ખેડા જિલ્લામાં કઠલાલ તથા કપડવંજમાં આવેલ વિવિધ ખાદ્ય ચીજ વસ્તુઓના એકમોના ખાદ્ય નમૂનાઓ સબસ્ટાન્ડર્ડ કરાયા

સબસ્ટાન્ડર્ડ થયેલ ખાદ્ય ચીજ વસ્તુઓના એકમો સામે દંડાત્મક કાર્યવાહી કરતું ખોરાક અને ઓૈષધ નિયમન તંત્ર

કઠલાલ તાલુકાની પેઢી  શિવશક્તિ દુગ્ધાલયને રૂ. ૨૫ હજાર તથા કપડવંજ તાલુકાની  બાલાર્ક એન્ટરપ્રાઈઝને રૂ. ૧ લાખ નો દંડ કરાયો

 ખેડા જીલ્લાના નાગરિકોને જીવન જરૂરી ખાદ્ય ચીજ વસ્તુઓ શુદ્ધ, સલામત અને ગુણવત્તા યુક્ત મળી રહે તે માટે જિલ્લા કલેકટર અમિત પ્રકાશ યાદવના માર્ગદર્શન હેઠળ ખોરાક અને ઔષધ નિયનમની કચેરી,નડીઆદ કટિબદ્ધ છે.

જે અન્વયે ખોરાક અને ઔષધ નિયનમની કચેરી દ્વારા કઠલાલ તાલુકાની પેઢી શીવ શક્તિ દુગ્ધાલયથી ખાદ્યચીજ મસાલા છાસ (શિવશક્તિ બ્રાન્ડ ૩૫૦ એમ.એલ કંપની પેક પાઉચ)નો નમુનો ફૂડ સેફટી એન્ડ  સ્ટાન્ડર્ડ એકટ મુજબ નમુનો સબસ્ટાન્ડર્ડ થતા ખાદ્ય ચીજની ક્ષતીને ધ્યાને લેતા લઈને  શિવશક્તિ દુગ્ધાલય પેઢીના માલીકને રૂ. ૨૫૦૦૦ /- દંડ કરવામાં આવ્યો છે.

આ જ રીતે ખોરાક અને ઔષધ નિયનમની કચેરી  દ્વારા મોડાસા રોડ પર આવેલ  કપડવંજ તાલુકાની  બાલાર્ક એન્ટરપ્રાઈઝમાં ઈગ્રીડીઅન્ટ તરીકે વપરાતા ખાદ્યચીજ પામ ઓઈલ લૂઝનો નમુનો ફૂડ સેફટી એન્ડ સ્ટાન્ડર્ડ એકટ મુજબ નમુનો સબસ્ટાન્ડર્ડ થતા ખાદ્ય ચીજની ક્ષતીને ધ્યાને લઈને બાલાર્ક એન્ટરપ્રાઈઝને રૂ. ૧,૦૦,૦૦૦ દંડ કરવામાં આવેલ છે, તેમ ખોરાક અને ઔષધ નિયમનની કચેરી દ્વારા જણાવવામાં આવ્યું છે.

અહેવાલ – મકસૂદ કારીગર – કઠલાલ