By તસ્વીર અહેવાલ : નિસાર શેખ, મહુધા
મોટી સંખ્યામાં ભાવિક ભક્તોએ ઉપસ્થિત રહી ભાથીજી મહારાજનાં દર્શન કરી ધન્યતા અનુભવી : સમગ્ર વાતાવરણ ભક્તિમય બન્યું
મહુધા : નૂતન વર્ષના પાવન અને મંગલમય અવસરે શ્રી ક્ષત્રિય વીર ભાથીજી સમિતિ દ્વારા ભાથીજી મહારાજની ગોઠનું ભવ્ય અને ધાર્મિક આયોજન કરવામાં આવ્યું હતું. આ પ્રસંગે મહુધા શહેર સહિત તાલુકાનાં વિવિધ ગામોમાંથી મોટી સંખ્યામાં ભાવિક ભક્તો ઉમટી પડ્યા હતા. ભક્તોની ઉત્સાહભેર ઉપસ્થિતિએ સમગ્ર ધાર્મિક કાર્યક્રમને વિશેષ ભવ્યતા અને ઉલ્લાસભર્યું સ્વરૂપ આપ્યું હતું.
આ પાવન અવસરે ઉપસ્થિત ભક્તોએ ભાથીજી મહારાજનાં દર્શન કરી આશીર્વાદ મેળવ્યા હતા અને ગોઠમાં સહભાગી બની ધન્યતા અનુભવી હતી. નૂતન વર્ષના પ્રથમ દિવસને ધાર્મિક શ્રદ્ધા અને ભક્તિભાવ સાથે આવકારવાનો આ સુંદર પ્રસંગ સૌ માટે યાદગાર બની રહ્યો હતો.
સમગ્ર કાર્યક્રમ દરમિયાન ભક્તિ, શ્રદ્ધા, પરંપરા અને સામાજિક એકતાનો અનોખો સંગમ જોવા મળ્યો હતો. ભાવિક ભક્તોની ભારે ઉપસ્થિતિએ સમિતિના આયોજનને સફળતા અપાવી હતી.
કાર્યક્રમના અંતે શ્રી ક્ષત્રિય વીર ભાથીજી સમિતિ દ્વારા પધારેલા તમામ મહેમાનો, ભાવિક ભક્તો અને સહયોગીઓનો હૃદયપૂર્વક આભાર વ્યક્ત કરવામાં આવ્યો હતો. સાથે જ ભવિષ્યમાં પણ સૌનો આવો જ પ્રેમ, સહકાર અને સહયોગ મળતો રહે તેવી ભાવના વ્યક્ત કરવામાં આવી હતી.
